恋し荒波

恋し荒波
　　　　　　作詞　上原行男

互に語れや　幾ゆまでさしが
肝変るんぞや　情けしらん

波荒りるうちゆ　ゆすに引かさでて
染てある人や　あらになちゃみ

無蔵か肝うちや　ゆす華ゆ咲かち
い言葉ぬかなみ　蕾なさい

互に華咲ちゅる　浮世習わしや
肝うちむゆらに　華ゆ咲かち

自由ならん恋路　嵐縁やている
い言葉んぬらん　蕾心

初華節

初華節

　　　　　　　作詞　上原行男

奥山ぬ花ん　節なでば咲ちゅい
我ん無蔵と　華ゆ咲さ

菊ぬ花香い　無蔵にうみ染で
無蔵がしな情や　我肝すみち

肝うちぬ思い　春節ゆてむぬ
蕾花咲かち　二人が情け

縁とむて咲る　はち華ゆれむぬ
恋しわが肝や　無蔵が咲ち

節ゆ重にてぃん　うし島ぬぐとに
いちまでんたげに　変て暮る

梅の情

梅の情
　　　　　　作詞　上原行男

晴り晴りと吹る
鶯の高声え
友達び集するて　語れ遊しば

枝ら持ちと散りて　咲ちふくる花に
声る鶯ぬ　心るこみて

鶯の様に　声るとんやりば
唄に花咲かちあそぶ嬉しさ

梅ぬ枝ら頼ゆて　忍り行く道や
行く先ちん知らん　花と共に

梅ぬ情きや　忘して忘しらりる
いくゆいちまりん　肝に残て

島栄

島栄　　　　　　　
　　　　　　　　　作詩　上原　行男

粟国島栄　粟に恵まりて
若者ぬ手本　満作来る

かりゆしぬ港　浜村に造て
旅ぬ行戻い　村ぬ繁盛

我島ぬ名残り　むんじぬ傘や
昔から今ん　唄に残ち

西東浜ぬ　あんぐわ肝美さ
粟国美童ぬ　情深さ

他島ぬ華ん　我島に咲ち
島や春心　村ぬ栄